സംസ്ഥാനത്തെ പട്ടികജാതി വികസന വകുപ്പിന്റെ പഠനമുറി പദ്ധതിക്ക് അപേക്ഷ ക്ഷണിച്ചു. സർക്കാർ, എയ്ഡഡ്, സ്പെഷൽ, ടെക്നിക്കൽ/ കേന്ദ്രീയ വിദ്യാലയങ്ങളിൽ അഞ്ചു മുതൽ 12 വരെ ക്ലാസുകളിൽ പഠിക്കുന്ന പട്ടികജാതി വിഭാഗം വിദ്യാർഥികൾക്ക് അപേക്ഷിക്കാം. വീടുകളുടെ വിസ്തീർണം 800 ചതുരശ്രയടി ആയിരിക്കണം. കുടുംബ വാർഷിക വരുമാനം ഒരു ലക്ഷം രൂപ വരെയായിരിക്കണം. വകുപ്പിൽ നിന്നോ മറ്റ് ഏജൻസികളിൽ നിന്നോ ഇതേ ആവശ്യത്തിന് ധനസഹായം ലഭിച്ചവരാകരുത്. താത്പര്യമുള്ളവർക്ക് ബന്ധപ്പെട്ട ബ്ലോക്ക്/നഗരസഭ പട്ടികജാതി വികസന ഓഫീസുകളിൽ ആഗസ്റ്റ് 30 ന് വൈകിട്ട് അഞ്ചു വരെ അപേക്ഷ നൽകാം.
അപേക്ഷകര്‍ കുടുംബ വാര്‍ഷിക വരുമാനം ഒരു ലക്ഷം രൂപയില്‍ താഴെയുളളവരും 800 സ്‌ക്വയര്‍ ഫീറ്റുവരെ വിസ്തീര്‍ണമുളള വീടുളളവരും മറ്റ് ഏജന്‍സികളില്‍ നിന്നും ഇതേ ആവശ്യത്തിന് ധനസഹായം ലഭിച്ചിട്ടില്ലാത്തവരും ആയിരിക്കണം. നിശ്ചിത മാതൃകയിലുളള അപേക്ഷ ജാതി, കുടുംബ വാര്‍ഷിക വരുമാന സര്‍ട്ടിഫിക്കറ്റ്, വിദ്യാര്‍ഥി പഠിക്കുന്ന സ്‌കൂള്‍ മേലധികാരിയില്‍ നിന്നുളള സാക്ഷ്യപത്രം, കൈവശാവകാശം/ഉടമസ്ഥാവകാശം/ഉടമസ്ഥാവകാശ സര്‍ട്ടിഫിക്കറ്റ്/ മറ്റ് ഏജന്‍സികളില്‍ നിന്നും ഇതേ ആവശ്യത്തിന് ധനസഹായം ലഭിച്ചിട്ടില്ലെന്ന സാക്ഷ്യപത്രം/ ബാങ്ക് പാസ്ബുക്ക് പകര്‍പ്പ് എന്നിവ സഹിതം 2025 ആഗസ്റ്റ് 30നുള്ളിൽ അതത് ബ്ലോക്ക്/മുനിസിപ്പാലിറ്റി/കോര്‍പറേഷന്‍ പട്ടികജാതി വികസന ഓഫീസുകളില്‍ സമര്‍പ്പിക്കേണ്ടതാണ്. കൂടുതല്‍ വിവരങ്ങള്‍ക്ക് ബന്ധപ്പെട്ട ബ്ലോക്ക്/മുനിസിപ്പാലിറ്റി/കോര്‍പറേഷന്‍ പട്ടികജാതി വികസന ഓഫീസുകളുമായി ബന്ധപ്പെടണം.
അര്‍ഹതാ മാനദണ്ഡങ്ങള്‍
1.ഒരു ലക്ഷം രൂപ വരെ കുടുംബ വാര്‍ഷിക വരുമാന പരിധി
2.സര്‍ക്കാര്‍, എയ്ഡഡ്, സ്‌പെഷ്യൽ , ടെക്നിക്കല്‍, കേന്ദ്രീയ വിദ്യാലയങ്ങളില്‍ 5 മുതല്‍ 12 വരെ ക്ലാസ്സുകളില്‍ പഠിക്കുന്ന പട്ടികജാതി വിഭാഗം വിദ്യാര്‍ത്ഥികള്‍
3.800 സ്വകയർ ഫീറ്റ്‌ വരെ മാത്രം വിസ്തീര്‍ണ്ണമുള്ള വീടുകള്‍
4.വകുപ്പില്‍ നിന്നും മറ്റ് ഏജന്‍സികളില്‍ നിന്നും ഇതേ ആവശ്യത്തിന് ധനസഹായം ലഭിക്കാത്തവര്‍.
മുന്‍ഗണനാ മാനദണ്ഡം
1.പന്ത്രണ്ടാം ക്ലാസില്‍ പഠിക്കുന്ന വിദ്യാർത്ഥികൾ
2.ഒരു കിടപ്പമുറി മാത്രമുള്ള വീടുള്ളവര്‍
3.വിധവ/ വിഭാര്യന്‍ നയിക്കുന്ന കടുംബങ്ങളിലെ വിദ്യാര്‍ത്ഥികള്‍
4.മാരകമായ രോഗം ബാധിച്ച രക്ഷിതാക്കള്‍ ഉള്ള കുടുംബങ്ങളിലെ വിദ്യാര്‍ത്ഥികള്‍
5.ഒന്നിലധികം പെണ്‍കുട്ടികള്‍ വിദ്യാര്‍ത്ഥികളായുള്ള കുടുംബം
6.വരുമാനം കുറവുള്ളവര്‍
Contact Details
Directorate of SC Development Department, Kerala
Phone: 0471-2737251, 2737252 .0481 2562503.
Website: scdd.kerala.gov.in
| Circular | Messages |
|---|
| Scheduled Caste Development Department, Kerala - SCDD-FB Post |
| Govt Order No.1877/2023/LSGD 21-09-2023 |
