E-Treasury & E-TR5 Updation
ഇതുവരെ E-Treasury Integration, E-TR5 User Creation എന്നിവ ചെയ്യാത്ത എല്ലാ DDO-മാരും താഴെ പറയുന്ന ഘട്ടങ്ങൾ പാലിക്കുക:
ഘട്ടം 1: E-Treasury Integration അപേക്ഷ സമർപ്പിക്കൽ
1. E-Treasury Integration നടത്തുന്നതിനുള്ള പ്രോഫോർമ (Proforma)
2. പൂരിപ്പിച്ച അപേക്ഷ *etreasuryofficer@kerala.gov.in എന്ന ഇമെയിൽ വിലാസത്തിലേക്ക് അയച്ച് അപ്ഡേറ്റ് ചെയ്യിക്കുക.
ഘട്ടം 2: E-Treasury പാസ്വേഡ് റീസെറ്റ് ചെയ്യൽ
1. അപ്ഡേഷന് ശേഷം ഇമെയിലിൽ ലഭിച്ച User Name കുറിച്ചുവെക്കുക.
2. E-Treasury വെബ്സൈറ്റ് (https://etreasury.kerala.gov.in) സന്ദർശിക്കുക.
3. ലോഗിൻ പേജിലുള്ള Forgot Password വഴി പാസ്വേഡ് റീസെറ്റ് ചെയ്യുക.
4. DDO-യുടെ രജിസ്റ്റർ ചെയ്ത മൊബൈൽ നമ്പറിലേക്ക് പുതിയ പാസ്വേഡ് എസ്.എം.എസ് (SMS) ആയി ലഭിക്കുന്നതാണ്.
ഘട്ടം 3: E-Treasury ലോഗിനും യൂസർ ക്രിയേഷനും
1. മൊബൈലിൽ ലഭിച്ച പാസ്വേഡ് ഉപയോഗിച്ച് E-Treasury സൈറ്റിൽ ലോഗിൻ ചെയ്യുക.
2. User Registration എന്ന മെനുവിൽ Add ക്ലിക്ക് ചെയ്യുക.
3. നിലവിലെ DDO-യുടെ PEN നൽകിയ ശേഷം View ക്ലിക്ക് ചെയ്യുക.
4. 'Add Employee Details From SPARK' എന്നതിന് താഴെ ജീവനക്കാരന്റെ വിവരങ്ങൾ ദൃശ്യമാകും.
5. അതിന് താഴെയായി നൽകിയിരിക്കുന്ന ഓപ്ഷനുകളിൽ ഇവ സെലക്ട് ചെയ്യുക:
eTreasury User : Approval (Officer) എന്നത് ടിക്ക് (✔️) ചെയ്യുക.
eTR5 User : Yes എന്നത് ടിക്ക് (✔️) ചെയ്യുക.
6. വിവരങ്ങൾ ഉറപ്പുവരുത്തിയ ശേഷം Save ക്ലിക്ക് ചെയ്യുക.
Note: വിജയകരമായി പൂർത്തിയാകുമ്പോൾ User created Successfully. User name and password has been send to your registered mobile number" എന്ന മെസേജ് കാണിക്കുന്നതും മൊബൈലിലേക്ക് യൂസർ ഐഡിയും പാസ്വേഡും ലഭിക്കുന്നതുമാണ്.
ഘട്ടം 4: E-TR5 സൈറ്റിൽ ലോഗിൻ ചെയ്യൽ
1. E-TR5 വെബ്സൈറ്റ് (https://etr5.treasury.kerala.gov.in/) സന്ദർശിക്കുക.
2. മൊബൈലിൽ ലഭിച്ച പുതിയ User Name, Password എന്നിവ ഉപയോഗിച്ച് ലോഗിൻ ചെയ്യുക.
3. ആദ്യ ലോഗിനിൽ തന്നെ പാസ്വേഡ് റീസെറ്റ് (Change Password) ചെയ്ത് പുതിയത് ക്രിയേറ്റ് ചെയ്ത് ഉപയോഗിക്കാവുന്നതാണ്.
സഹായത്തിന്: E-TR5 സൈറ്റ് വഴി ചലാൻ എടുക്കുന്നത് സംബന്ധിച്ച സംശയങ്ങൾക്ക് ഈ ഹെൽപ്പ് ഫയൽ ഡൗൺലോഡ്സിൽ ചേർത്തിരിക്കുന്നു .
സംസ്ഥാനത്തെ സർക്കാർ ഓഫിസുകളിൽ പണമടയ്ക്കുന്നതിന് eTR5 സംവിധാനം. നേരത്തേ ഉപയോഗിച്ചിരുന്ന പേപ്പർ TR5നു പകരമായാണിത്. പൊതുജനങ്ങൾക്കു സർക്കാർ ഓഫിസുകളിൽ വേഗത്തിൽ സാമ്പത്തിക ഇടപാടുകൾ പൂർത്തിയാക്കുന്നതിന്റെ ഭാഗമായാണു പുതിയ സംവിധാനം ഏർപ്പെടുത്തിയത്.
സംസ്ഥാന സർക്കാരിലേക്കുള്ള വരവുകൾ ഇലക്ട്രോണിക് സംവിധാനത്തിലൂടെയാക്കുന്നതിനായി രൂപം നൽകിയ ഇ-ട്രഷറിയിൽ പുതുതായി രൂപകൽപ്പന ചെയ്ത മൊഡ്യൂൾ വഴിയാണ് eTR5 സംവിധാനം പ്രവർത്തിക്കുന്നത്. സർക്കാർ ജീവനക്കാരുടെ വിവരങ്ങൾ സൂക്ഷിക്കുന്ന സ്പാർക്കിൽ രജിസ്റ്റർ ചെയ്തിട്ടുള്ള ജീവനക്കാർക്കു മാത്രമേ eTR5 വഴി തുക സ്വീകരിക്കാൻ കഴിയൂ. ഒരു ഓഫിസിൽ ഒടുക്കേണ്ട തുക ആ ഓഫിസിലെ ഏതൊരു ജീവനക്കാരനും ഇന്റർനെറ്റ് സേവനമുള്ള കംപ്യൂട്ടർ മുഖേനയോ മൊബൈലിലൂടെയോ സ്വീകരിക്കാം. തുക അടച്ച വിവരം ഉടൻ തുക ഒടുക്കുന്നയാളുടെ മൊബൈലിൽ ലഭിക്കുകയും ചെയ്യും. ഓഫിസിൽ സ്വീകരിക്കുന്ന തുകയെക്കുറിച്ചുള്ള വിവരങ്ങൾ ഏതു സമയവും മേലധികാരികൾക്കു പരിശോധിക്കാനാകുമെന്നതും പുതിയ സംവിധാനത്തിന്റെ പ്രത്യേകതയാണ്.
ഫീൽഡ് ഓഫിസർമാർക്ക് മൊബൈലിലൂടെ എവിടെനിന്നും തുക സ്വീകരിക്കാൻ സാധിക്കും. പുതിയ സംവിധാനം സംബന്ധിച്ച പരിശീലനം ട്രഷറി വകുപ്പ് മറ്റു വകുപ്പുകളിലെ മാസ്റ്റർ ട്രെയിനർമാർക്കു നൽകിക്കഴിഞ്ഞു. ഇവർ അതതു വകുപ്പുകളിലെ മറ്റ് ഓഫിസർമാർക്കു പരിശീലനം നൽകും.
eTR5 നടപ്പാക്കുന്നതോടെ സംസ്ഥാനത്തെ സർക്കാർ ഓഫിസുകളിലെ പണമിടപാട് സുതാര്യമാകും. അടച്ച തുക എത്രയെന്ന് അറിയാൻ ഇടപാടുകാരനു കഴിയും. ഓഫിസിൽ അന്നതു ലഭിക്കുന്ന തുക ഉടൻ സർക്കാർ ശീർഷകത്തിലേക്കു വരവുവയ്ക്കപ്പെടുകയും ഇടപാടിന്റെ റീകൺസിലിയേഷൻ അതതു ദിവസംതന്നെ പൂർത്തിയാക്കപ്പെടുകയും ചെയ്യും.
| e Websites |
|---|
| E Treasury 2.0 Portal |
| e TR5 Challan Creation Portal |
| TSB Portal |
| E-Treasury Integration Proforma |
|---|
| Download Proforma |
